Көчөдө тамактануунун пайдасына караганда зыяны көбүрөөк. Көчө өзү тамактанууга ылайыктуу чөйрө эмес. Биринчиден көчөдөн тамактанып жатып анын даамын толук кандуу сезип, андан ырахат ала албайсыз. Экинчиден ошол жердеги санитардык-гигиеналык шарттардын сакталбаганынан улам өзүңүздүн ден соолугуңузга кооптуу жагдай жаратасыз. Үчүнчүдөн көчөдөгү тамактардын сапаты кандай экенин биле бербейсиз.
Дал ушундай кептери менен маекти баштаган КТМУнун Инженерия факультетинин Тамак-аш инженериясы кафедрасынын ага окутуучусу, илимдин PhD доктору Айбек Бөдөшов "Тема" телекөрсөтүүсүндө көчөдөн тамактануунун ден соолукка тийгизген таасири тууралуу айтып берди.
Программанын жүрүшүндө Айбек Бөдөшов:
- эмнеге тамактануу керектигине;
- туура тамактануу деген эмне экенине;
- көчөдөн тамактанган учурда кандай коркунуч же зыяндарга дуушар болоорубузга;
- тез татымдын зыяндуу жактарына;
- көчөдөгү тамак-аштын санитардык-гигиеналык тазалыгына;
- көчөдөгү жасалган тамактардын даярдалуу сапатына; ж.б. аспектилерге токтолуп кетти.
Көрсөтүүнү толук бойдон төмөнкү видеодон көрө аласыздар.
МедиаМанас-2022, Жылдызбек Турсунбаев
Русский
Кыргызча
Türkçe
English