“Түрк аба жолдору” авиакомпаниясынын Кыргызстандагы башкы мүдүрү Өзгүр Суучак Кыргыз-Түрк Манас университетине келип, окуу жайдын ректору, профессор Себахаттин Балжы менен жолугушту. Жолугушууда Түрк аба жолдорунун мүдүрү Өзгүр Суучак кызматташууга кызыкдар экендигин билдирип, сүйлөшүүлөр жүрдү.

Жолугушуудан кийин Өзгүр мырза Манас ФМ радиосунда конок болду. Ал радио угармандарга Кыргызстандын табигатынын кооздугу менен климаты аябай жакканын жана аз убакыттын ичинде тез эле көнүп кеткендигин айтып берди. Ошондой эле «Түрк аба жолдору» авиакомпаниясынын дүйнөдө жана Кыргызстандагы иш аракеттери тууралуу да айтты.

Белгилей кетсек, берүүнүн жүрүшү Media Manas каналынын Facebook жана YouTube тармактарында түз байланыш аркылуу берилди.