Үстүбүздөгү жылдын 5-июнунда Кыргыз-Түрк “Манас” университетинин Ден-соолук, маданият жана спорт башкармалыгы тарабынан окуу жайдын активдүү студенттерине пикник уюштурулду. Салтка айланган эс алуу бул жылы “Теплые ключи” ден соолукту чыңдоо комплексинде өтүп, 500 студент чер жаза эс алышты. Жаратылыш койнундагы чакан саякаттын алкагында студенттер чакан оюндарды ойношуп, ортодогу достук жана ынтымактык мамилени дагы да чыңдашып көңүлдүү кайтышты.

Манас университетинин ректору, профессор Себахаттин Балжы да студенттер менен бирге эс алып, окуу жайдын ар тараптан өнүгүүсүнө салым кошкон активдүү жаштардын ролу абдан зор экендигин белгилеп, аларга ыраазычылыгын билдирди.

Радио-телекөрсөтүү мүдүрлүгү

ММК жана коомчулук менен байланыш бюросу