"Компьютердик графика" деген термин маңдайыбызга чыгаар замат алгач "графика" сөзүн чечмелеп алышыбыз керек. Грек тилинен алынган сөз "тартуу", "чийүү", "жазуу" дегенди билдирет. Эми ушул сөзгө компьтерди кошуп карай турган болсок, ошол тартуу же чийүүнү машиналык аппараттардын жардамы менен, ал аппараттардагы колдонулган графикалык редакторлордун жардамы менен ортого компьютердик графиканын элементтерин жаратуу болуп саналат.
"Тема" телекөрсөтүүбүздүн коногу КТМУнун Табийгый илимдер факультетинин кенже илимий кызматкери, PhD Элла Абылаева дал ушул жогорудагыдай түшүндүрмо берүү менен "Компьютердик графика" темасы боюнча маегин баштады.
Көрсөтүүнүн жүрүшүндө Элла айым:
- Компьютердик графика, тарыхы, түрлөрү;
- Компьютердик графиканын маанилүүлүгү, бүгүнкү күндөгү орду;
- Компьютердик графиканын артыкчылыктары
- Компьютердик графика колдонулган тармактар;
- Компьютердик графиканы иштеп чыгууда колдонулган программалык камсыздоолор;
- Компьютердик графиканын келечеги; ж.б. тууралуу баяндап берди.
Программанын толук чыгарылышын төмөнкү видеодон көрө аласыздар.
МедиаМанас-2022, Жылдызбек Турсунбаев
Русский
Кыргызча
Türkçe
English