Биз жашап жаткан жаратылыштын бир бөлүгү биз дем алып жаткан аба. Ошол абанын булганышы бүгүнкү күндө актуалдуу маселе. Суунун же топурактын кирдеши локалдуу нерсе. Ал эми атмосферанын кирдеши бир жерде турбайт, жайылып кете берет. Тазалаш болсо өтө кыйын.
Дул ушундай кептер менен "ТЕМА" теледолбоорубуздун коногу, техника илимдеринин кандидаты Кубат Кемелов маекти баштап берди. Бишкектеги абанын булганышынын булагы катары:
- Жылуулук электр борбору: Жылына 1 млн.тонна көмүр жагылат.
- транспорт каражаттары: 2010-жылдары Бишкек шаарында 210 миң транспорт катталса, 2020-жылы анын саны 450 миңге жеткен. Андан сырткары Бишкекке 1 жылда 60 миңге жакын машина кирип чыгат.
- жеке секторлордогу жылынуу: Акыркы 30 жылда Бишкектин тегерегинде 48 жаңы конуш пайда болду жана алардын баары көмүр жагышат.
- таштанды полигонундагы күйүп жаткан от: пластик, полиэтилен, чүпүрөктөр тынбай күйүп ден соолукка зыяндуу ууларды бөлүп чыгарат.
- муниципалдык жана жеке мончолорду белгилеп кетти.
Ал эми Кубат мырза жеке эле маселерди ортого айкындап айтып берип эле тим болбостон чечүү механизмдерин да сунуштай кетти.
Көрсөтүүнү толук бойдон төмөнкү видеодон көрө аласыздар.
МедиаМанас-2022, Жылдызбек Турсунбаев
Русский
Кыргызча
Türkçe
English