Эсептөө техникасынын өнүгүшү программисттер менен компьютерлердин ортосундагы байланыштын жаңы каражаттарын түзүү жана учурда колдонулуп жаткан каражаттарды өркүндөтүү менен сөзсүз коштолот. Байланыш каражаты деп программалоо тили айтылат.
КТМУнун Компьютердик инженерия бөлүмүнүн ага окутуучусу Айбек Аданбаев "Тема" теледолбоорунун коногу болуп, компьютердик программалоо тилдеринин өнүгүшү тууралуу айтып берди.
Студиянын коногу негизинен программалоо тилинин семиотикасына, семантикасына, синтаксисине, прагматикасына токтолуп, кыскаса мүнөздөмө берип кетти.
Андан тышкары Аданбаев программалоо тилдери жогорку жана төмөнкү болуп экиге бөлүнөрүн, алардын ортосундагы негизги айырмачылыктары кайсылар экенин, жылына программалоо тилдеринин эң көп колдонулганына жараша атайы Эл Аралык белгилүү уюмдар тарабынан рейтинг чыгарылып тураарын дагы баяндап өттү.
Көрсөтүүнүн толук вариантын төмөнкү видеодо көрө аласыздар.
МедиаМанас-2022, Жылдызбек Турсунбаев
Русский
Кыргызча
Türkçe
English