2022-жылдын 5-мартында Ысык-Көлдүн жээгинде жайгашкан «Алтын балалык»  реабилитациялык балдар борборунун аймагына Кыргыз-Түрк «Манас» университети тарабынан 60 түп бак-дарактардын көчөттөрү отургузулду.

Иш-чарага университеттин биринчи проректору, профессор Асылбек Кулмырзаев, окуу иштери боюнча проректору, доцент Камалбек Карымшаков, ректор кеңешчиси, экономика жана башкаруу факультетинин деканынын  м.а., профессор Серхат Бурмаоглу, башкы катчынын м.а., доцент Октай Өзгүл, айыл чарба факультетинин деканынын м.а., доцент Ахмет Айгүн, курулуш иштери бөлүмүнүн башчысы Онур Дурал жана эл аралык байланыштар бөлүмүнүн башчысы Кадри Аггүн катышты.

Иш-чарадан кийин университеттин жетекчилери жана кызматкерлери комплекстин ишмердиги менен таанышып чыгышты.

2022-жылдын 1-июнунда Балдар күнүнө карата пайдаланууга бериле турган «Алтын балалык» реабилитациялык балдар борборунун аймагын жашылдандыруу иштерине Кыргыз-Түрк «Манас» университети да өз салымын кошуп, колдоо көрсөтүүнү уланта берет.