Бүгүн, 21-февралда, "Тема" программасы үчүн даярдалган  студиянын расмий ачылышы болду. Ачылышка Кыргыз -Түрк "Манас" университетинин ректору, профессор Алпаслан Жейлан, биринчи проректор, профессор Асылбек Кулмырзаев, MEDIAMANAS мүдүрү Бүлент Намал жана жалпы жамаат катышты. Берүүнүн ачылышында лента кесүү аземинен соң, ректор Алпаслан Жейлан жана биринчи проректор Асылбек Кулмырзаев конокто болушту.  Кыргыз -Түрк "Манас" университетинин ректору, профессор Алпаслан Жейлан, “Университетибиз билим берүү менен кана чектелбестен, коомго кызыктуу пайдалуу, калктын көп маалымат ала алган берүүсү болооруна ишенебиз.”-деди. Университетибиздин биринчи проректору профессор Асылбек Кулмырзаев өз сөзүндө “Университетибиздин окутуу жамаатынын потенциалы жогорку деңээлде, алардын илим ачылыштары менен коомчулук менен бөлүшүү бул чоң жетишкендик деп эсептейм.”-деп кошумчалады.

 Ар бир #Тема өзгөчө. Бул кызыктуу, ар тараптуу, маанилүү темаларды "Манас" радиосу жана "Манас" телеканалынан иш күндөрү саат 11:00, 14:00 жана 16:00дө көрө аласыздар.