Ветеринариянын шарттары боюнча күнүмдүк жашоодо кармаган мал жандыктарыбызды дагы туура багуубуз, жакшы карообуз абзел. Өзгөчө алардын ооруларын дарылоодо дасыккан ветеринар дарыгердин кеңеши менен ветеринардык лабараториянын бүтүмдөрү өтө маанилүү. Өзүң билип эле дарылап коём деп туш келген антибиотиктерди малга колдонуу менен өзүбүздүн дагы ден соолукту талкалайбыз. Себеби кайра эле этин тамак-ашка, кыгын айыл чарба тармагына колдонуп жатпайбызбы.
КТМУ Ветеринария факультетинин ага окутуучусу Проф.Докт. Руслан Салыков "ТЕМА" программабыздын коногу болду. Дал ушул жогоруда белгиленген ветеринарияда микроорганизмдердин антибиотиктерге көнүп кетүүсү темасын айтып берди.
Негизинен программанын жүрүшүндө: Антибиотиктердин туура колдонулушу, аны колдонуунун эрежелери, туура эмес колдонулган учурлардагы кесепеттер, ветеринардык дарыканаларда антибиотиктердин сатылуу уруксаты жана алардын теске салынышы ж.б. тууралуу баяндап өттү.
Программанын толук чыгарылыш төмөнкү видеодон көрө аласыздар.
МедиаМанас-2022, Жылдызбек Турсунбаев
Русский
Кыргызча
Türkçe
English