Кыргызстандагы Түркия Республикасынын жарандары Баш мыйзамды өзгөртүү боюнча шайлоого өз добуштарын беришүүдө
Кыргызстанда жашаган Түркия Республикасынын жарандары үчүн Баш мыйзамга өзгөртүүлөрдү киргизүү боюнча өткөрүлүп жаткан шайлоо Түркиянын Кыргызстандагы элчилигинин имаратында жүргүзүлүүдө.

Түркиянын Кыргызстандагы толук жана ыйгарым укуктуу элчиси Метин Кылычтын, Медиа Манас радиосу жана Анадолу маалымат агенттигине берген маалыматына таянсак, Кыргызстандын түркиялык мигранттардын тизмесине катталган 2 миң 500 кишинин 994ү Баш мыйзамды өзгөртүү боюнчо референдумга добуш берүү укугуна ээ.
Түркияда Баш мыйзамды өзгөртүү боюнча 2017-жылдын 16-апрелине белгиленген шайлоодо, чет мамлекетте жашаган түркиялык жарандар үчүн 27-марттан бери добуш берүү пунктары ачылган. Кыргызстанын Бишкек шаарында добуш берүү 8-9-апрель күндөрү жүргүзүлөт. Эртең бардык айтактарда добуш берүүнүн акыркы күнү.

Медиа Манас