Пакистан Ислам Республикасынын Исламабад шаарында Экономикалык кызматташтык уюмунун 13-Саммитинин алкагында 1-мартта, ЭКУ номинанттарына сыйлык тапшыруу салтанаты өттү. Сыйлык илим-изилдөө иштериндеги аймактык мүнөздөгү экономика, тарых, маданият, адабият жана искусство, илим жана технология, билим берүү, айыл чарбасы жана айлана чөйрө жаатындагы жетишкендиктерге берилет. Ар бир мамлекет ЭКУ катчылыгына жогорудагы ар бир тармак боюнча 5 талапкерди көрсөтө алат.

Тарых илимдеринин доктору, профессор, Кыргыз-Түрк "Манас" университетинин проректору Анварбек Мокеевге сыйлык илим жана технология тармагындагы илимий-изилдөө иштериндеги жетишкендиктери үчүн ыйгарылды.