ТҮРКСОЙ уюмунун «Түрк дүйнөсүнүн маданий борбору» наамы Актаудан Андижанга өткөрүлдү

Каспий деңизи боюнда жайгашкан жана 2025-жыл ичинде «Түрк дүйнөсүнүн маданий борбору» наамын алып жүргөн Актау шаары салтанаттуу гала-концерттин алкагында Актау бул наамды Андижанга тапшырды.

«Халык Арена» аренасында өтүп, болжол менен 250 өнөр адамдарынын  катышуусундагы концертке жогорку деңгээлдеги расмий өкүлдөр жана Азербайжан, Казакстан, Кыргызстан, Өзбекстан, Түркия, Түркмөнстан жана түрк дүйнөсүнүн башка аймактарынан миңдеген искусство сүйүүчүлөрү катышты.

«Маданият тармагындагы кызматташтык — түрк дүйнөсүнүн келечегинин эң ишенимдүү кепилдиги»

Түрк мамлекеттери уюмунун аксакалдар кеңешинин төрагасы Бинали Йылдырым аземде сүйлөп, президент Режеп Тайип Эрдогандын саламын жеткирди жана маданияттын стратегикалык маанисин баса белгиледи: «Жолдор, көпүрөлөр, порттор — бул көрүнүктүү натыйжалар, бирок маданият улуттун тамырын жана келечегин аныктайт. Ошондуктан маданият тармагындагы кызматташтык — түрк дүйнөсүнүн келечегинин эң ишенимдүү кепилдиги. Биз көпүрөлөрдү куруп жатабыз, ал көпүрөлөр аркылуу өткөн жана эртеңки күндү куруп чыккан адамдар биздин жаш муундар болот».

ТҮРКСОЙдун Башкы катчысы Султан Раев өз сөзүндө Актау шаарында иш-чаралардын жогорку деңгээлде уюштурулганына канааттануусун билдирди. Ал шаар түрк дүйнөсүнүн баарына тарыхый жана маданий борбор болуп калганын, келечекте маданий дипломатия биргелешкен долбоорлор аркылуу мындан ары да бекемделерин белгиледи.

Андижан облусунун ыйгарым укукту өкүлү Шухратбек Абдурахманов 2026-жылы шаар дүйнөгө өзүнүн бай тарыхый жана маданий мурасын сунуштоого даяр экенин айтты жана бул урматтуу миссияны кабыл алганына чоң кубанычтарын билдирди.