"Чыгармачыл чайхана" программасынын коногу КРнын Жазуучулар союзунун мүчөсү, маданияттын мыкты кызматкери, КТРКнын отличниги, "Бакен Кыдыкеева" атындагы сыйлыктын лауреаты, акын, журналист Сайра Батыркулова болду.
Эфирибиздин ар тараптуу коногу Сайра Батыркулова ириде залкар Коргоол Досуевдин жээн небереси экенин, апасы Турсункан Досуеванын дагы акын экенин сыймыктануу менен баса белгилеп, чыгармачылык жолунун кантип башталганын, кандайча театр тармагында окуп калганын, "Нурборбор" чыгармачыл жаштардын бирикмеси менен кантип таанышканын, окуусун бүткөн соң театр тармагында иштөөдөгү оош-кыйыш күндөрүн, чыгарган китептерин, пъеса жазууга болгон дилгирлигин, жазуучулукту аркалоо жана эне болуу түйшүгүн ж.б. көп темаларды баяндап берди.
Арийне маектин жүрүшүн өзүнүн калемине таандык ар кыл темадагы ырларын көркөм окуу менен кооздоду.
Программанын толук чыгарылышын төмөнкү шилтеме аркылуу көрө алсыздар.
МедиаМанас-2023, Жылдызбек Турсунбаев
Русский
Кыргызча
Türkçe
English