Үстүбүздѳгү жылдын 29-январында Кыргыз-Түрк “Манас” университетинде Жогорку билим берүү кеңешинин демилгеси менен чет өлкөдөн студенттерди кабыл алууну стандартташтыруу максатында уюштурулган «Түркиянын университеттеринде окууну каалаган чет элдиктер үчүн кабыл алуу сынагы» (TR-YÖS) ийгиликтүү өткөрүлдү.

КТМУнун ректору, профессор Алпаслан Жейлан сынакты ѳткѳрүүгѳ болгон даярдыктар менен таанышып, студенттерге ийгилик каалады.

Окуу жайдагы ТРнын Баалоо, тандоо жана жайгаштыруу борборунун башчысы, профессор Куршад Йылмаз сынак тууралуу маалымат берип, университетте узак убакыттан бери биринчи жолу өткөрүлгөн сынакка Кыргызстандан жана коңшу өлкөлөрдөн 109 талапкер катышканын билдирди.

Түркиянын 17 областында жана чет өлкөдө 23 мамлекетте өткөрүлгөн сынактын жыйынтыгы үстүбүздѳгү жылдын 24-февралында белгилүү болот.