Үстүбүздөгү жылдын 20-декабрында Кыргыз-Түрк «Манас» университетинин ректору, профессор Алпаслан Жейлан жаа атууну үйрѳнүүнү каалаган студенттер менен жолугушуп, курстун уланышынан кабар алды.

Аталган курсту Түркияда ѳткѳн Ислам шериктештигинин 5-оюндарында салттуу жаа атуу боюнча мелдештин чемпиону, Кыргызстандык мергенчи Ынтымак Мурадил ѳтүүдѳ.

Белгилей кетсек, салттуу жаа атуу боюнча курсу эки жарым жылдан бери университеттин Салттуу оюн жана спорт изилдѳѳ институту тарабынан уюштурулуп келет жана жаа атууну үйрѳнүүнү каалагандардын саны күндѳн-күнгѳ кѳбѳйүүдѳ.