Үстүбүздѳгү жылдын 1-декабрында Кыргыз Республикасынын Улуттук телерадиоберүү корпорациясынын башкы директору, драматург жана жазуучу Кайрат Иманалиев “Манас ФМ” радиосунун “Автопортрет” берүүсүндө конокто болуп, ѳзүнүн эмгек жолу, жеке чыгармачылыгы, маданият жана искусство тармагындагы жетишкендиктери, замандаш калемгерлери жана устаттары, ошондой эле Кыргызстандын маданиятын жакшы билген адам катары кыргыз маданиятынын абалы жана аны өнүктүрүү жолдору жөнүндө кызыктуу маек куруп берди.

Уктуруунун соңунда К.Иманалиев УТРК менен КТМУнун ортосундагы кызматташуунун артыкчылыктарын айтып, эфир үчүн “Медиа Манас” борборунун эмгек жамаатына ыраазычылыгын билдирди.