Кыргыз-Түрк «Манас» университетинде Тургунбай Садыков атындагы Кыргыз Республикасынын Улуттук көркөм сүрөт Академиясынын сүрөт кафедрасынын окутуучусу Эрбол Догдурбектин жеке сүрөт көргөзмөсү ачылды.

Кѳргѳзмѳ 25-октябрь күнү кѳркѳм сүрѳт факультетинин Курманжан Датка атындагы сүрөт галереясында ачылып, ага университеттин ректору, профессор Алпаслан Жейлан жана студенттер катышты. Ректор ѳз сѳзүндѳ “Манас” университети билим берүү менен гана чектелбестен, маданият, искусство, туризм жана спорт жаатында да коомго пайда алып келүү иштерин максаттуу түрдѳ аткарып жана колдоп келээрин баса белгиледи.

Искусство сүйүүчүлѳр кѳргѳзмѳнү 2 апта бою каалаган убакта кѳрѳ алышат.