Кыргыз-Түрк “Манас” университети жоопкерчиликтүү мекеме катары коомчулукта болуп жаткан кѳрүнүштѳргѳ кайдыгер карабай жыл сайын муктаждардан кабар алып, кайрымдуулук иштерин жүргүзүп келет. Бул жолу да “Айданек” жашы жете элек балдарды реинтеграциялоо борборуна университеттин чет тилдер жогорку мектеби тарабынан уюштурулган кайрымдуулук иш-чарасынан түшкѳн каражатка идиш-аяк жуучу машина сатылып алынып, белекке берилди.

Белекти университеттин проректору, профессор Мехмет Сезаи Түрк жана чет тилдер жогорку мектебинин окутуучулары аталган борборго тапшырышты. Ѳз кезегинде “Айданек” балдар борборунун кызмтакерлери КТМУнун жетекчилигине дайыма жана ар тараптуу колдоо кѳрсѳткѳндүгү үчүн ыраазычылыктарын билдиришти.