Кыргыз-Түрк “Манас” университетинин курама командасы Дүйнѳлүк университтер арасында ѳтүүчү самбо боюнча эл аралык турнирге катышат.

Самбо боюнча Дүйнѳ кубогу 21-30-сентябрда Түркиянын Самсун шаарында ѳтѳт.

Үстүбүздѳгү жылдын 16-сентябрында КТМУнун биринчи проректору, профессор Асылбек Кулмырзаев баш болгон университет жетекчилери эл аралык турнирге катыша турган спортчулар менен машыктыруучуларга ийгилик каалап, узатышты. Биринчи проректор университеттин желегин тапшырып жатып, спортчуларыбыз жеңиш менен кайтып келээринен үмүт чоң деди.

Жолугушуу университет жетекчиси менен чогу курама команданын эстеликке сүрѳткѳ түшүүсү менен аяктады.