Ахмет Ясавинин түрк дүйнөсү, айрыкча Борбор Азиянын калкы үчүн мааниси аябагандай зор. Эң негизгиси бизге ислам динин, анын ичиндеги эң жакшы тарикатты - суфизмди же сопулукту, такыбалыкты араб же фарси тилинде эмес, өзүбүздүн эне тилибизде, түрк тилинде түшүндүргөнү жана таратканы болгон.
КТМУнун Теология факультетинин доценти Юсуф Гөкалп жана окутуучусу Фархад Юсупов "Тема" телепрограммасынын коногу болушту. Көрсөтүүнүн бул чыгарылышы жогоруда белгиленген түрк дүйнөсүнүн аалымы Ахмет Ясавиге арналды. Студиянын коногу негизинен:
- Кулкожо Ахмет Ясавинин кыскача өмүр баянына;
- Ахмет Ясавинин ислам динине кошкон салымына;
- Ясавилик түшүнүгү жана анын негизги прициптерине;
- Ясавинин коомчулукка калтырган илими жана таасирдүү сөздөрүнө;
- Ханафилик, Матрудилик агымдарынын жанындагы Ясавилик агымынын өзгөчөлүктөрүнө ж.б. теорияларга токтолуп кетти.
Маекти кыргыз тилине жеткиликтүү кылып Фархад Юсупов которуп берди.
Толук чыгарылышты төмөнкү видеодон көрө аласыздар.
МедиаМанас-2022, Жылдызбек Турсунбаев
Русский
Кыргызча
Türkçe
English