Кыргыз-Түрк «Манас» университетинин ректору, профессор Алпаслан Жейлан жана биринчи проректор, профессор Асылбек Кулмырзаев ММК жана маалымат үчүн жооптуу Түрк мамлекеттеринин министрлеринин уюму жана Жогорку кызмат адамдарынын 4-жыйналышына катышты.

Түркия Республикасынын Президентинин Аппаратынын Коммуникациялар департаментинин жетекчилигинде Стамбулда өткөн бул жолугушуунун максаты - Түрк мамлекеттеринин медиа жана коммуникация тармагында кызматташуусун бекемдѳѳ болду.

Түркия Республикасынын Президенти Режеп Тайип Эрдоган жолугушуудагы видео кайрылуусунда: «Массалык маалымат жана байланыш маселелери, социалдык медиа жана жалган маалымат менен күрөшүү саясий жана коомдук жашообуздун коопсуздугу үчүн абдан маанилүү. Карабаг согушу бизге бул маселенин маанилүүлүгүн эскертти жана күчтөрдү бириктирүүнүн канчалык зарыл экенин көрсөттү»,-деди.

Жолугушууну уюштурган Түркия Республикасынын Президентинин Аппаратынын Коммуникациялар департаментинин башчысы жана Кыргыз-Түрк «Манас» университетинин Камкорчулар кеңешинин төрагасы, профессор Фахреттин Алтун өз сөзүндө: «Түркия катары биз коомчулук менен байланыштан мамлекеттик дипломатияга, жалган маалымат менен күрөшүүдөн кризисти башкарууга, коомдук кызыкчылык көз карашынан жөнгө салууга чейин кеңири негизде курган байланыш моделибиз бар. Бул Түркия коммуникация моделин түрк дүйнөсүнүн масштабына жеткире аларыбызга ишенебиз»,-деди..

Жыйынга ректор, профессор Алпаслан Жейлан,  биринчи проректор, профессор Асылбек Кулмырзаев, профессор Фахреттин Алтун, ТРТнын башкы директору, профессор Мехмет Захид Собажы,  РТУК төрагасы Эбубекир Шахин, түрк жана кыргыз медиа уюмдарынын башка жетекчилери жана искусство ишмерлери барышты. Коммуникация факультетинин деканынын м.а, профессор Мехмет Сезаи Түрк да катышты.

Ректор Алпаслан Жейлан маалымат каражаттарына берген билдирүүсүндө Кыргыз-Түрк «Манас» университетинин координациясында ишке ашырылып жаткан «Түрк дүйнөсүнүн санарип жарандыгы» долбоору өз тармагында жаңылык болгонун жана жаңы мүмкүнчүлүктөрдү жаратаарын айтып: «Биз Кыргыз-Түрк «Манас» университети катары билим берүү тармагына салым кошуу үчүн «Түрк дүйнөсү санариптик атуулдук» долбоорун ишке ашырдык. Бул долбоор менен 9 өлкөдөн 88 университеттин студенттеринин катышуусунда окуу планын түзүп жатабыз”, - деди.

Профессор Асылбек Кулмырзаев массалык маалымат каражаттарына «Манас» университетинин  коммуникация факультети жана “MEDIAMANAS” медиа борбору коммуникация тармагында натыйжалуу иш алып барып жатканын маалымдады.