Үстүбүздѳгү жылдын 17-мартында Кыргыз-Түрк «Манас» университетинин ректору, профессор Алпаслан Жейлан Кыргыз Республикасынын Маданият, маалымат, жаштар жана спорт министри Азамат Жаманкуловдун кабыл алуусунда болду.

Жолугушууда КТМУнун Кыргызстандын туризмин эл аралык деңгээлде чыңдоого кошкон салымы тууралуу сѳз болду.

Ошондой эле тараптар туризм багытында пикирлери менен бѳлүшүп, келечекте да кызматташуу ѳз нугунда улана турганын баса белгилешти.

Белгилей кетсек, Кыргыз-Түрк “Манас” университети менен Кыргыз Республикасынын Маданият, маалымат, жаштар жана спорт саясаты министрлиги ар тармакта кызматташып, өзгөчө туризм багытында биргелешкен изилдөөлөрдү жүргүзүүдө.