Жаңы күндүн 06.04.2016 коногу дизайнер, «Русланова Айым» -мода үйүнүн жетекчиси, Махабат Саманчиева болду.

«Адамдын өңү чүпүрөк»- дегендей, ааламдашуунун алкагында өзүбүзүн улуттук кийим-кечектерин кийүүгө не жетсин. Улуттук кийимдерди эл аралык брендге чыгарууну максат кылган Махабат айым, түз ободо кызыктуу маек куруп, «Мен белдемчилерди заман менен айкалыштырып, мекендештерге тартуулагым келет. Мекенчилдик сезимимди мен ушу менен көргөзгүм келет»- деп токтолду. Муну менен бирге, «Биздин дүкөндөрдө кардарларыбыздын капчыгына жараша ийкемдүү бааларда, студенттер үчүн атайын жеңилдетүүлөр бар.»- деп кошумчалады.

2016 жылдын Нооруз майрамын утурлай, өз өнөрүн Индияда болгон эл аралык жарманкеде таанытып, дүйнө элине, Кыргыз кийими менен тааныштырып кайтканын да кошумчалады.(Ş.B)