04.02.2020 "Автопортретте" актёр, продюсер Эркин Парпиевдин портретин түздүк. "Бала чагымда эле интермедияларга катышып, кино тармагына кызыкчумун. Кино тармагына келгениме  Джет Ли себепкер  десем жаңылышпайм. Джет Лини жакшы көргөнүм үчүн кытай тилин да үйрөнгөм,"-деген коногубуз адамдарда эң башкысы жоопкерчилик маанилүү деп эсептейт.  "Мектепте окуп жүргөндө бир кызга кат жазгам. Каттын ичине жылан салып койгонум үчүн директордон тил уккам. Мактангандай болбоюн, бирок мектеп программасын 7-классымда эле бүтүрүп койгом,"-деп угармандардын түрдүү суроолоруна жооп узатып отурду. Эгерде  Эркин Парпиевдин эфирдин жүрүшүндө анегдот айтып берип күлдүргөнүн жана 10 жолу "отжимание" жасаганын көрөм десеңиз YouTube'дагы "Media Manas" аталышындагы баракчабызга баш багыңыз. 

Маектешкен: Жоомарт Шайдылдаев, Шайыр Бакытбекова