Кыргыз-Түрк Манас университетинин Айыл чарба факультетинин Өсүмдүктөрдү коргоо кафедрасынын башчысыпроф.докт. Тинатин Дөөлөткелдиева мамлекеттик сыйлыкка татыды.

Эгемендүүлүк күнүнө карата КРнын президенти Сооронбай Жээнбековдун 29-август 2019-жылдагы жарлыгы мененТинатин Дөөлөткелдиевага “Кыргыз Республикасынын илимине эмгек сиңирген ишмер” аттуу ардактуу наам ыйгарылды.

Дөөлөткелдиева аталган мамлекеттик сыйлыкка Кыргыз Республикасынын социалдык-экономикалык өнүгүшүнө, интеллектуалдык жана маданий потенциалынын жогорулашына кошкон зор салымы үчүн көрсөтүлгөн.

КТМУнун 2019-2020-окуу жылынын алгачкы ирет чогулган сенаттык жыйынында ректор проф.докт. Себахаттин Балжы, биринчи проректор проф.докт. Асылбек Кулмырзаевдин катышуусу менен жалпы окуу жайдын жамааты сыйлык ээсин куттукташты.

Проф.докт. Тинатин Дөөлөткелдиева МедиаМанаска берген маегинде айыл чарба тармагында жаңылык жараткан өзүнө таандык 250 эмгеги жана 10 го чукул автордук патенти бар экенин баса белгиледи. Өз кесибин ушунчалык жакшы көрүп, дайымкы изденүүсүнүн натыйжасы менен ушундай ийгиликке жеткирип олтурганын айтып кетти.