Измир шаарынын тургуну Гүлай Темизел Эртүрк жээндерине оюнчук катары жоголуу коркунучунда турган бюуюмдардын миниатураларын жасайт. Пенсияга чыккандан кийин 2010-жылдан бери оюнчук катары даарат кагазынын картонунан, чайдын кутусунан, тиш чукугучтан кичинекей көлөмдөгү отургуч, керебет жасап баштап андан кийин алардын ар кандай түрлөрүн жасап баштаган.
Бир күнү интернеттен булардын видеосун көргөн Эртүрк бул өнөрүнүн өзүнчө бир искусство экенин көрүп, бл тармакта өзүн өнүктүрүүгө өткөн. Хобби катары баштаган иши кийинчерээк мебелдик тармактын кызыгуусун арттырган.
Чакырылган көргөзмөлөрдө башкаларга салыштырмалуу анын ишине кызыгуу көбүрөөк болуп жатканын байкаган Эртүрк, Анатольянын жоголуу коркунучунда турган үй буюмдарынын кичинекей миниатюраларын жасоону туура көргөн . “Анатольянын той төшөктөрү” аттуу коллекциону чоң апасынын колдонгон буюмдарынан эсте калгандары экенин белгилеген Эртүрк, cайма килемче, жез керебет, атлас жууркан, темир шкаф, отургучтар жана калай чака сыяктуу улуттук буюмдарды жасаган. “Бул менен хоббим, аны индустрияга айлантууну каалабайм”,-деген Эртүрк кылган буюмдары баштапкы өлчөмүнөн 6, 12 же 24 масштабында кичирейтилип жасалат деди.