Кыргыз-Түрк “Манас” университетинин Камкорчулар кеңешинин мүчөлөрү университетте жыйын өткөрүү максатында Кыргызстанга келишти.

Үстүбүздѳгү жылдын 17-июлунда университеттин кезектеги 2019-2020-окуу жылынын Камкорчулар кеңешинин жыйыны ректорат имаратында өтүп, ага Кыргыз-Түрк «Манас» университетинин Камкорчулар Кеңешинин мүчөлөрү: Кыргыз Республикасынын Билим берүү жана илим министри Гүльмира Кудайбердиева жана министрдин орун басары Кудайберди Кожобеков, Бишкек шаарынын мэри Суракматов Азиз Эмильбековичтин ордуна Бишкек шаардык мэриясынын уюштуруу бѳлүмүнүн башчысы Абдес Анарбеков, Түркия Республикасынын Президентинин Аппаратынын Коммуникациялар департаментинин башчысы, Камкорчулар Кеӊешинин төрагасы Фахреттин Алтун, ТРнын Жогорку билим берүү комитетинин аткаруу кеңешинин мүчөсү, профессор Мехмет Шишман, ТРнын Чанаккале онсегизинчи март университетинин ректору, профессор Седат Мурат жана КТМУнун ректору, профессор Себахаттин Балжы, биринчи проректор, профессор Асылбек Кулмырзаев, ошондой эле Камкорчулар кеңешинин башкы катчысы Фехми Йылмаз катышты.

Жыйында окуу жайдын ректору, профессор Себахаттин Балжы университеттин ишмердүүлүгү, жасалган иштери, пландары тууралуу маалымат берди.

Андан соң университеттин окуу-методикалык программасына жана чарбачылык иштерине байланышкан маселелер каралды.