Түркия Республикасынын Экономика министринин орун басары Фатих Метин мырза 14-октябрь күнү Кыргыз-Түрк «Манас» университетинин жетекчилиги менен жолугушту.

Жолугушууда окуу жайыбыздын ректору, профессор Себахаттин Балжы келген конокторго университет тууралуу маалымат берип, Манас университети билим берүүдө өз орду бар, талапка жооп берген жана келечекте эл аралык деңгээлдеги окуу жай болуу жолунда баратканын, ошону менен бирге эки өлкө ортосундагы кызматташуу мындан ары да уланып, Түркиянын Кыргызстандын өнүгүшү үчүн кылган салымы чоң деп баса белгиледи.

Ал эми Түркия Республикасынын Экономика министринин орун басары Фатих Метин Манас университетинин Түрк дүйнөсүндөгү орду чоң экендигин айтып, окуу жайдын жетишкен ийгиликтери үчүн ыраазы болду.