Кыргыз-Түрк “Манас” университетинин камкорчулар кеңешинин төрагасы профессор Ибрахим Чапак студенттердин өкүлдөрү менен жолугушту

Өлкөнүн келечеги катары көргөн жаштарга чоң маани берээрин айткан төрага, студенттерге окуу учурунда университет тарабынан берилген мүмкүнчүлүктөрдү пайдаланып, өзгөчө жасалма интеллект, климаттын өзгөрүшү сыяктуу дүйнөнүн күн тартибинде болгон тармактарда өздөрүн өнүктүрүү керек экендигин белгиледи. “Силер келечекте дүйнөнүн кайсыл бурчунда болбогула “Манас” университетинен алган билимиңер менен үлгү болуп айланаңарга жарык чачкыла!”- деп кайрылды Кыргыз-Түрк “Манас” университетинин камкорчулар кеңешинин төрагасы профессор Ибрахим Чапак.

Студенттердин талап каалоолорун уккан университетинин камкорчулар кеңешинин төрагасы профессор Ибрахим Чапак,  келечек ээлеринин терең билим алышы үчүн аракет кылаарын кошумчалады.