Эфирдин жүрүшүндө “Эсимде” изилдөө борборунун жаралуу тарыхы, максаты жана алып барган иштери жөнүндө кеп курду. Ал изилдөө борбору ата-бабаларыбыздын басып өткөн жолун, өзгөчө 1917-жылдагы Үркүн окуясынан тарта бүгүнкү күнгө чейин көмүскөдө калган тарыхты изилдерин айтты. Мындан тышкары, “Эсимде” изилдөө аянты согуш учурундагы туткундарды же дайынсыз жоголгон адамдарды издөө үчүн tutkun.kg сайтын ачкан. Сайтта дайынсыз жоголгон адамдардын сүрөттөрү, тизмеси жарыяланган.

Белгилей кетсек, “Эсимде” илимий борбору 2017-жылы түзүлгөн. Азыркы тапта бул илимий аянтча социалдык тармактарда дагы өз ишин активдүү алып барат.