Манас университети кароосуз калган балдарды реабилитациялоо борборунда

Чет тилдер жогорку мектебинин окутуучулары менен студенттери Бишкек шаарындагы кароосуз калган балдарды реабилитациялоо борборуна барып, кайрымдуулук жардамын көрсөтүп келишти.

Эскерте кетсек, үстүбүздөгү жылдын 15-мартында Даярдоо курсунун окутуучулары жана студенттери тарабынан «Кайрымдуулук жарманкеси» уюштулган эле, ошол жарманкеден түшкөн каражатка кийим-кече жана башка керектүү нерселерди 15-апрель күнү студенттер аталган борборго жардам катары алып барышып, кайрымдуулук ишин көрсөтүштү жана балдар үчүн чакан концерт тартуулап келишти.

Иш-чарада Чет тилдер жогорку мектебинин мүдүрүнүн орун басары, ага окутуучу Мүхиттин Гүмүш балдар коомдун келечеги экендигин баса белгилеп, Манас университети ар дайым жардамга муктаж адамдардын жанында деп билдирди.

Иш-чаранын соңунда кароосуз калган балдарды реабилитациялоо борборунда тарбияланып жаткан балдар Чет тилдер жогорку мектебинин окутуучулары менен студенттерине ыраазычылыктарын билдирип, «Ыраазычылык барагын» беришти.

Радио-ТВ мүдүрлүгү,
ММК жана коомчулук менен байланыш бюросу