Кыргыз-Түрк “Манас” университетинин (КТМУ) ректору, профессор Себахаттин Балжы үстүбүздөгү жылдын 1-апрелинде КТРК телеканалынын “Дил маек” көрсөтүүсүндө конокто болду.

“Дил маек” көрсөтүүсүнүн жүрүшүндө Себахаттин Балжы Бишкектин жогорку окуу жайларынан келген студенттердин суроолоруна жооп берип, өмүрүнүн урунттуу учурларын кыргыз тилинде эркин айтып берди. Студенттердин өтүнүчү менен обон созгонго да жетишкен Себахаттин Балжыны бардык суроолорго чын жүрөктөн жооп бергенин студенттер бир ооздон белгилешти.

Өз кезегинде “Манас” университетинин ректору бул көрсөтүүгө катышкан жаштарды окуу жайдын түшкү тамагына конокко чакырып, 5-апрелде студенттер менен биргеликте жагымдуу атмосферада түшкү тамакта жолугушту.

Ректор Себахаттин Балжынын катышуусундагы “Дил маек” көрсөтүүсүнүн бул чыгарылышын 17-апрелде саат 18.45те КТРК каналынан көрө аласыздар.

Радио-телекөрсөтүү мүдүрлүгү

ММК жана коомчулук менен байланыш бюросу