Окуу жайыбыздын Ветеринария факультети Кыргызстандын Чүй облустук ветеринардык жана фитосанитардык коопсуздук боюнча мамлекеттик инспекциясынын башкармалыгы менен биргеликте үстүбүздөгү жылдын 25-февралында “Жаныбарлардан өндүрүлгөн азык-түлүктөрдү анализдөө ыкмалары» деген аталышта практикалык семинар өткөрүштү. Семинарга Кыргызстандын бардык аймактарынан ветеринарлар келип катышты. Иш-чара КТМУнун  жетекчилигинин колдоосу менен ишке ашкан.

Аталган семинар аймактарда жайгашкан ветеринарларга заманбап тамак-аш анализи жана колдонуу ыкамаларын таанытуу максатында уюштурулуп, анда Кыргызстандын социалдык-экономикалык өнүгүүсүнө салым кошуу, жаныбарларлардын саламаттыгын сактоо, оорулардын келип чыгуу себептерине каршы күрөшүү жана адамдардын ден соолугуна кооптуу оорулардын алдын алуу, ветеринардык кесипке жана Кыргызстанда мал багуу секторунун өнүгүүсүнө көмөктөшүү маселелери каралды. Семинар учурунда анализдөө ыкмалары университеттин Технология борборунда жайгашкан тамак-аш лабораторияларында жүргүзүлдү.

Иш-чаранын соңу семинардын катышуучуларына сертификат тапшыруу менен жыйынтыкталды.

Радио-телевидение мүдүрлүгү

ММК жана Коомчулук менен байланышуу бюросу