Кыргыз Республикасынын маданиятына эмгек сиңирген ишмер, акын, жазуучу, публицист, журналист Тенти Орокчуу уулунун манас изилдөөчү, окумуштуу, радиодиктор Турдубай Абдракунов менен "Таберик" аттуу уктуруусунун 2017-ж. Баш оона айынын 5-деги чыгарылышында Манастын төрөлүшү жана үйлөнүшү жөнүндө маек курду.
Түшкө кирген ак алма ким болот, кызыл алма ким болот, Эртыш менен Таластын аралыгы канча, эки Таластын, - Алтайдагы Тулас жана Ала-Тоодогу Талас, кайсынысы кең жана кайсынысы тар деп айтылган, эмнеге кыргыздын түпкү атасы Азирети Акеше купчак деп аталган, качан кыргыздар Дон дарыясынын боюнда жашаган, Манас менен Илья Муромец замандаш болгонбу, Каныкей тажик эмес, түрк Бугра хандын (Буура кан) уруусунан чыкканбы деген суроолорго жообун Т.Абдракуновдун баянынан уга аласыздар.