Түрк кеңеши Түрк университеттер ассоциациясынын мезгилдүү жетекчиси жана “Манас” университетинин ректору, профессор Себахаттин Балжы маегинде Түрк университеттер ассоциациясынын азыркы тапта кылып жаткан иштерине токтолуп өттү. Анын айтымына караганда ассоциациянын негизги максаты жаштарга арналган иш-чараларды көп-көп өткөрүп, жаштардын келечеги үчүн кам көрүү болуп саналат. Азыркы учурда КТМУда өткөрүлүп жаткан “Түрк университеттер ассоциациясынын I спорттук оюндары” да жаштардын активдүүлүгүн арттыруу максатында уюштурулган.
Белгилей кетсек, Кыргыз-Түрк “Манас” университетинин ректору Себахаттин Балжы Түрк университеттер ассоциациясынын мезгилдүү жетекчи болуп 2016-жылы шайланган.