Түркия кызматтыштык жана өнүгүү башкармалыгы (ТИКА) 2012-жылдан бери Кыргызстанда аутист балдарга көмөкчү болуп келген “Бириккен кол” коомдук бирикмесине, 2-апрель дүйнөдө аутизм көрүнүшүнөн жабыркаган балдарга көңүл буруу күнүнө карата өткөрүлгөн иш-чаранын алкагында материалдык жардам көрсөтүп, аталган бирикменин имаратына мектеп парталарын, шкафтарды жана балдар үчүн угууну активдештирген атайын аспаптарды алып беришти.
Коомдук бирикменин имаратындагы класстардын ачылышы Түркиянын Кыргызстандагы атайын жана ыйгарым укуктуу элчиси Метин Кылыч, ТИКАнын Бишкектеги координатору Эврен Рутбил жана “Бириккен кол” коомдук бирикмесинин жетекчиси Жылдыз Садыкованын катышуусунда кызыл сызма кесилип, кызмат берүүсүн баштады.
Ачылышта сөз сүйлөгөн Жылдыз Садыкова, ТИКАнын коомдук бирикмеге берген жардамы балдардын ден соолукта өсүп-жетилишине жумшаларын белгилеп, Түркия Өкмөтүнө ыраазычылыгын билдирди.
Түркиянын Кыргызстандагы элчиси Метин Кылыч, Түркия мамлекети катары аталган долбоордун бир бөлүгүндө орун алганына кубанганын белгилеп, аутист балдардын ата-энесине өкмөттүк эмес уюмдардын да жардамы керек экендигин белгиледи.