Кыргыз ССРинин түзүлгөндүгүнүн 80 жылдык мааракесине арналган салтанаттуу илимий жыйында КР УИАнын Тарых жана маданий мурас институтун башкы илимий кызматкери, т.и.д., профессор Акылбек Жуманалиев " Кыргыз ССРинин түзүлүшү архивдик документтерде" деген темада сөз сүйлөп, КР УИАсы Кыргызстан тарыхынын үч томдугун даярдап,, алгач анын үчүнчү томун басмадан чыгарганын, экинчи том да басмага тапшырылып жатканын айтты.

КУУнун Кыргызстан тарыхы кафедрасынын профессору, т.и.д. Үсөнаалы Чотонов "Кыргыз автоном облусундагы билим берүү тармагын өнүктүрүү тарыхынын көйгөйлөрү жөнүндө" деген темада сүйлөдү. Үсөнаалы Чотонов өз сөзүндө азыркы күндө БУУга мүчө боло албай жүргөн мамлекеттер бар экенин белгиледи.