Бексултан Алимбеков

24.12.2019 "Автопортрет" уктуруусунунун кезектеги коногу университетибиздин сыймыктуу бүтүрүүчүсү, жеке ырчы Бексултан Алимбеков болду.

        Угармандар суранган ырларды жандуу үн менен созолонткон коногубуз: "Алгачкы жолу чыгармачылыкка болгон кызыгуум 9-класста окуп жаткан кезде ойгонгон.Алгачкы көрүүчүлөрүм мектептеги мугалимдерим болду,"-деп окуучулук күндөрүнө да сапар алып келди .

      Коногубуз учурда Түркияда эмгектенип жаткан учуру. Угармандардын: "Мындан ары Кыргызстанда эле болосузбу? "-деген суроосуна  "Кыргыз маданиятынын өнүгүшүнө кайсыл тараптан көп салым кошо алсам ошол жактамын. Кыргыз маданиятынын өнүгүшүнө салым кошуу менин максатым."-деген жообун узатты.

     Ырдаган ырларынын сөзүнө өзгөчө маани берген коногубуз:"Бир сап ыр адамдын бир өмүр жашоосун түшүндүрүшү мүмкүн. Ошол себептен акындарга азыркы учурда жашап жаткан сезимди кара сөз менен жазып берип, алардан ошол нерсени чагылдырган ыр жазуусун талап кылам" - деди.

      Белгилей кетсек, Бексултан Алимбеков Түркияда "Кыргыз эли" коомунун Маданият иштери жетекчиси. 

Маекти толугу менен YouTube каналыбыздан көрө аласыздар.

Маектешкен:Шайыр Бакытбекова

Жазган: Айзирек Паязханова