КМШ өлкөлөрүнүн эмгек,миграция жана социалдык коргоо боюнча кеңешинин Бишкек жыйыны

Эгемендүүлүктүн 25жылдыгына арналган КМШ өлкөлөрүнүн консультативдик кеңешинин жыйынына Азербайжан,Армения, Беларуссия, Казакстан,Тажикстандан делегациялар жана Кыргызстандын миграция кызматынан, профсоюз уюмдарынан делегациялар катышты. Жыйындан жүрүшүндө Ата Мекендик согуш ардагерлерди жана майыптарды социалдык тейлөө жаатындагы аракеттер, миграция маселесиндеги көйгөйлөр жана кызматташтыктын келечек багыттары талкууга алынды.

КМШнын эмгек, миграция жана калкты социалдык жактан коргоо боюнча Кеңешинин бул жолку төрагасы, КР эмгек жана социалдык жаактан өнүктүрүү министри Кудайберген Базарбаев Кыргызстанда өтүп жаткан 29-жыйыны иштиктүү болгонун белгилейт. Министрдин айтымында, жыйындын катышуучулары тарабынан социалдык коргоо жаатында өлкөлөр арасында үлгү болчу алгылыктуу тажрыйбалары ортого салынды. Бул жаатта Кыргызстандагы Бүткүл дүйнөлүк азык-түлүк программасы менен биргелешип жүзөгө ашырылып жаткан айыл жерлериндеги жамааттык долбоорлор үлгү болуп бере алат.

 Жыйындын катышуучусу, КР миграция кызматынын жетекчисинин орун басары Алмаз Асанбаев жыйындын жүрүшүндө Евробиримдикке киргенден кийин жаралган миграциялык көйгөйлөрдү чечүү жолдору да талкууга алынганын билдирди. Анын айтымында бүгүнкү күндө Россияда жүргөн Кыргызстандык мигранттардын жалпы саны 570миңден ашса анын 218миңи гана мыйзам чегинде иштегендер.

Кошумчалай кетүүчү нерсе, 1992-жылы түзүлгөн Көз каранды эмес өлкөлөрдүн эмгек, миграция жана калкты социалдык жактан коргоо боюнча Кеңешинин жыйынына Кыргызстан ушуну менен 4-ирээт төрагалык кылып жатат.