DAAD программасы Германиядан билим алууга жол ачат

Бүгүн, 22-сентябрда, Кыргыз-Түрк “Манас” университетинин К. Тыныстанов атындагы жыйындар залында окуу жайыбыздын студенттери үчүн DAAD программасы менен Германияда билим алуу мүмкүнчүлүктөрү тууралуу кенен маалымат берилди.

Бакалавр, магистратура, PhD  программаларына тапшыруу жолдору тууралуу жалпы маалыматтарды DAAD программасынын Бишкектеги өкүлү Анн-Катрин Браунмиллер бөлүшүп, студенттердин суроолоруна жооп берди.

DAAD программасы менен Германияда билим алып келүүдө каралган эң башкы шарттардын бири англис жана немис тилдерин тиешелүү деңгээлде билүү болуп саналат.

Аталган программага кызыккандар http://www.daad.kg/ сайтынан, www.facebook.com/daadkg социалдык баракчасынан жана +996 (312) 32 39 48 номуру аркылуу кенен маалымат алууга болот.

Радио-ТВ мүдүрлүгү
Массалык маалымат каражаттары жана коомчулук менен байланыш бюросу