Тыйын эңмей: Казакстандык чабандес жеңүүчү болду

4-сентябрда Чолпон-Ата шаарындагы Көк-Бөрү аренасында тыйын эңмей боюнча мелдеш жыйынтыкталды. Таймашка 11 өлкөдөн 11 спортчу катышты.

Жыйынтыгында:

 1-орун — Канат Бактыбай (Казакстан) — 150 миң сом;

 2-орун — Азим Эсенбек уулу (Кыргызстан) — 100 миң сом;

 3-орун — Байболат Акылбек (Монголия) — 80 миң сом.

Жеңүүчүлөргө жана байге ээлерине акчалай сыйлыктар тапшырылды.

Тыйын эңмей — ат үстүндө чабандестин шамдагайлыгын, тактыгын жана ат башкаруу чеберчилигин талап кылган кыргыздын салттуу ат оюндарынын бири.