Университетте кан донору болууга үндѳгѳн акция ѳттү

Кыргыз-Түрк “Манас” университетинде 6-8-декабрь күндѳрү “Сиздин каныңыз бир ѳмүрдү сактайт!” урааны менен кан донору болууга үндѳгѳн акция ѳттү. Иш-чара кандын запасын топтоо максатында Республикалык кан куюу борбору менен бирге уюштурулду.

Иш-чарага университеттин академиялык жана административдик кызматкерлери жана студенттер активдүү катышты.

Донорлордон чогултулган кан оор илдетке жана кырсыкка кабылган, кан кѳп жоготкон адамдарга чукул жардам берүүдѳ колдонулат.