KTMÜ’de Abay Kunanbayev Günü

Казак элинин чыгаан уулу, белгилүү жазуучу Абай Кунанбаевди эскерүү кечеси 2016-жылдын 4-май күнү КТМУда болуп өттү. КТМУнун Тышкы байланыштар бюросу, Студенттик иштер башкармалыгы жана Казакстан Республикасынын Кыргыз Республикасындагы элчилиги менен биргеликте уюштурулган бул кечеге Казакстан Республикасынын толук жана ыйгарым укуктуу элчиси Айымдос Бозжигитов, Украинанын Кыргыз Республикасындагы толук жана ыйгарым укуктуу элчиси Николай Дорошенко, Казакстан, Азербайжан жана Украина элчиликтеринин кызматкерлери менен окуу жайыбыздын ректору, профессор, доктор Себахаттин Балжы, университетибиздин кызматкерлери катышышты.

 Кечеде Абай Кунанбаевдин чыгармалары ар кандай жанрларда сахнада көрүүчүлөргө тартууланды.

Абай Кунанбаев жеке эле жазуучу эмес, чыгаан философ, ойчул катары казак элинин искусствосуна жана бүтүндөй дүйнөлүк чыгармачылык казынасына орчундуу салым кошкон.

Радио-телекөрсөтүү мүдүрлүгү

ММК жана коомчулук менен байланыш бюросу