КТМУ ректору конок болгон “Дил Маек” программасы обого чыкты

Кыргызстан- Түркия Манас университетинин (КТМУ) ректору проф.док Себахаттин Балжы КТРКнын маанилүү программаларынын бири болгон, “Дил Маек” программасы, 2016 жылдын  24 апрелинде обого чыкты.

Ректор проф.док С.Балжы менен болгон, аталган программа үстүбүздөгү жылдын 1 апрелинде тасмага түшүрүлгөн.

“Дил маек” көрсөтүүсүнүн жүрүшүндө Себахаттин Балжы Бишкектин жогорку окуу жайларынан келген студенттердин суроолоруна жооп берип, өмүрүнүн урунттуу учурларын кыргыз тилинде эркин айтып берди. Студенттердин өтүнүчү менен обон созгонго да жетишкен Себахаттин Балжыны бардык суроолорго чын жүрөктөн жооп бергенин студенттер бир ооздон белгилешти.

Өз кезегинде “Манас” университетинин ректору бул көрсөтүүгө катышкан жаштарды окуу жайдын түшкү тамагына конокко чакырып, 5-апрелде студенттер менен биргеликте жагымдуу атмосферада түшкү тамакта жолугушту.

Радио-телекөрсөтүү мүдүрлүгү

ММК жана коомчулук менен байланыш бюросу