Өзүңдү таанып билүү

ТЕМАнын бул жолку чыгарылышында “Өзүңдү таанып бил” маселеси тегерегинде сөз кылабыз

Профессор, Жамгырбек Бөкөшов өзүңдү таанып билүү  маселесинин психологиялык,философиялык негиздерине токтолду.

Ж.Бөкөшов: Адам баласы өз касиет, дараметин терең талдап, түшүнбөгөндүктөн коомдо, турмушта ар кандай ката иштер, жаман жоруктар, тетири окуялар орун алат.Чынгыз Айтматов айткандай “Адам үчүн күн сайын адам болуш кыйын” экенин аңдап-билүү да өзүн таанып билүүнүн негизин түзөт.Кыргыз “Атаң барда эл тааны. Атың барда жер тааны” деген. Бул деле “Өзүңдү таанып-бил” деген кеп да бекеринен айтылган эмес.