Ректорубуз Түрк кеңешинин Түркиядагы университеттер ассоцациясынын башчысы болуп шайланды

Үстүбүздөгү жылдын 12-апрелинде Түрк кеңешинин Түркиядагы университеттер ассоцациясынын жалпы жыйыны болуп өттү. Аталган иш-чара Ататүрк университетинин жетекчилиги астында уюштурулуп, ага Эрзурум шаарынын губернаторунун орун басары Хатиже Баяар Өздемир, Нахчыван автономдуу республикасынын саламаттык сактоо министри Ниязи Новрузов жана университет ректорлору, ага окутуучулар жана студенттер катышты.
Жыйында 3 жылдан бери ассоцацияны жетектеп келе жаткан Ататүрк университетинин ректору, профессор Хикмет Кочак, жетекчилик ордун окуу жайыбыздын ректору, профессор Себахаттин Балжыга өткөрүп берди. Иш-чарада муну менен катар Түрк академиясы менен ассоцация арасындагы кызматташууну кеңейтүү маселеси каралды. Жыйынды алып барган Түрк кеңешинин баш катчысы жана элчи Рамил Хасанов, өз кезегинде 5 түрк мамлекетинин эгенендүүлүгүнүн 25 жылдыгы менен куттуктады.
Иш – чаранын алкагында “Беш түрк мамлекеттеринин эгемендүүлүгүнүн 25 жылдык кызматташтыгы жана жаштык” деген темада сүрөт көргөзмөсү да ачылды.
Белгилей кетсек, Ассоцациянын 25 жылдыгына арналган иш-чаралар үстүбүздөгү жылдын аягына чейин улантылат.

Радио-ТВ мүдүрлүгү,
ММК жана коомчулук менен байланыш бюросу