«Бийди бийлегенге караганда бийди койгон көбүрөөк жагат»

Акыркы жаңылыктарга токтолуу менен бирге бий чөйрөсүнө келип калганы, сахна аркасында кызыктуу окуялары жана кыйынчылыктар тууралуу кеп кылды.

«15-жашыма чейин спортко көбүрөөк көңүл бурчумун. Бийди кыздардын иши деп маани берчү эмесмин. Кийин спортту таштап бий менен алектене баштадым. Алгачкы сахнадагы сезимдер жагып, бийди мындан ары алып кетүүнү чечтим. Негизинен мага бийди бийлегенге караганда бийди койгон көбүрөөк жагат.

Учурда чет мамлекетке көп чыкканыма байланыштуу эртең менен ойгонорум менен мен кайсы өлкөдөмүн деп ойлончу болдум» - дейт Атай Өмүрзаков.

Эскерте кетсек Атай Өмүрзаков жана анын жаңы түзгөн «Тотем» тобу «World's Got Talents» проектинде жарым финалга өттү. Мекенибиздин желегин көптөгөн өлкөлөрдө желбиретип келе жаткан Атай Өмүрзаковго мындан аркы чыгармачылыгына албан ийгиликтерди каалайбыз.

Маектешкен: 

Жоомарт Шайдылдаев

Шайыр Бакытбекова

Жазган:

Нурбакыт Казыбеков