Зыярат Эсенбаев Манас радиосунда конокто болду

20/04/2019  "2-этаж" программасында 2013-2017-жылдар аралыгында Манас радиосунда кызмат кылып кеткен, өзгөчө үн, өзгөчө ысымдын ээси Зыярат Эсенбаев кызыктуу маек курду.

    Программанын жүрүшүндө радио ааламына кантип келип калгандыгы, түз эфирдеги кызыктуу окуялар, кыйынчылыктар тууралуу сөз кылды. Манас радиосу КТМУ студенттеринин келечеги үчүн чоң тажрыйба экендигин баса белгилеп, далилдеп өттү. "Манас радиосунун менин карьерамдын башталуусуна чоң жардамы тийди. Бул жерден топтогон тажрыйбам менен баяндамачылык кызматта иштөө жеңилге турду"- дейт Зыярат Эсенбаев.

    Эскерте кетсек, Зыярат Эсенбаев учурда КТРК Спорт телеканалында баяндамачылык кызматын аркалап жаткан чагы.

  "2-этаж" программасынын алып баруучулары: Адина Капарбекова, Гулиза Абдибек кызы, Альбина Эсентурова.

Жазган: Гулиза Абдибек кызы