Жаш режиссерлорго ийгилик!

Жаш режиссерлордун дебюттук кыска метраждуу тасмалары; Фарида Сейталиева – “Манасчы”, Айжамал Болотова – “Ай сонатасы” , Мээрим Догдурбекова – “Бакыт”,  20-эл аралык Auburn Film Festival кинофестивалынын программасына кирди. Аталган фестиваль Австралиянын Сидней шаарында 18-22 сентябрда өтөт.

Үч тасма тең “Tadgell’s Bluebell Honour Award” категориясында жарышат. Ага Кыргызстандан тышкары 26 өлкөнүн тасмалары кошулган.

Фестивалдын максаты жаштардын медиа сабаттуулугун өстүрүү жана аларга  социалдык, экономикалык, саясий проблемаларды талкуулоо үчүн платформа түзүүнү үйрөтүү болуп саналат.

Жогорудагы 3 тасма Кыргыз-Түрк “Манас” университетинин бүтүрүүчүлөрүнүн дипломдук иши. Алар “Айтыш фильм” киностудиясынын колдоосу менен тартылган.

Жазган: Гулзира Кенешова