|
Кыргыз Республикасынын Билим берүү жана илим министрлигинин Кыргыз-Түрк «Манас» университетинин базасында өткөргөн мектеп окуучуларынын республикалык Олимпиадасы бүгүн, 26-март күнү аяктады.
КТМУнун Ч. Айтматов атындагы студенттик шаарчасында өткөрүлгөн Олимпиаданын экинчи турунда Кыргызстандын 7 дубанынан келген 316 окуучу математика, физика, информатика, химия, биология, кыргыз тили жана адабияты, орус тили жана адабияты, англис тили жана адабияты, тарых жана география боюнча лабораториялык, практикалык жана оозеки тапшырмаларды аткарышты.
Олимпиаданын жеӊүүчүлөрү Кыргыз Республикасынын атынан эл аралык Олимпиадаларга катышууга жолдомо алышат.
Олимпиаданын расмий жабылыш аземи 28-март күнү Т. Сатылганов атындагы улуттук Филармонияда өткөрүлмөкчү.
Белгилей кетсек Олимпиаданын жүрүшү Media Manas каналынын Facebook жана Youtube тармактарында жана ошондой эле университетибиздин кафетерийлеринде орнотулган экрандардан түз байланыш аркылуу үзгүлтүксүз берилип жатты.
Вернуться назад
|